Марий Элым вуйлатыше Волжск кундемыште у пачер деч сравочым кучыктен
Марий Элым вуйлатыше Волжск олаште да Памар селаште аварийный пӧртла гыч кусарыме да тулык йоча- влаклан у пачер деч сравочым кучыктен. Волжск олаште шукерте огыл индеш пачашан пӧртым сдатлыме. Тушто кок тӱжемат 800 квадрат метр кумдыкан 53 пачержым тошто пӧртла гыч кусарыме еҥ- влаклан ойырымо. Налме пачер- влакын тӱшка акышт 150 миллион теҥгем эртен, 147 миллион утлажым илыме вер да коммунал озанлыкым пужен ыштыме фонд гыч пуымо. Эше тиде пӧртысӧ 22 пачерыш тулык йоча- влак илаш пурат. Нине пачерын акше 35 миллион теҥгеш шуын. Юрий Зайцев у илыме верла деч сравочым кучыктен да куанле тат дене саламлен. Аварийный илыме фондым шагалемдымаш, тулык йоча- влаклан шке илеман лиймаш Россий да Марий Элын Правительствыштлан ончылно шогышо задаче улыт.
Тачысе кечылан 83 тӱжем квадрат метр тошто пӧртым пытарыме. Тидыже планын 82 процентше лиеш. Вич тӱжемат 500 утла еҥым кусарыме. Чылаже программе почеш куд тӱжемат 900 наре еҥым кусарыман. Идалык мучаш марте 9 муниципал образованийыште шуко пачеран 11 пӧртым чоҥен шуктымо лиеш. Тенийсе ий кусарыме программым шыҥдарымаште ойыртемалтше лиеш. Молан манаш гын, 2017-ше ий икымше январь марте аварийныйлан шотлымо пӧртла гыч калыкым кусарен пытарыме лиеш.
Тиде кечынак кӱлешан событий Волжский районысо Памар селаштат лийын. Тушто у пачерыш куснаш 18 тулык йоча ямдылалтеш. Марий Элым вуйлатыше нуныланат сравочым кучыктен да погынышо- влакым саламлен. Тудо палемден: 2019-ше гыч 2022-шо ий марте да тений икымше пелийыште 956 тулык йочалан илыме верым ситарыме. Тиде пашам умбакыже шуйымо лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
Тачысе кечылан 83 тӱжем квадрат метр тошто пӧртым пытарыме. Тидыже планын 82 процентше лиеш. Вич тӱжемат 500 утла еҥым кусарыме. Чылаже программе почеш куд тӱжемат 900 наре еҥым кусарыман. Идалык мучаш марте 9 муниципал образованийыште шуко пачеран 11 пӧртым чоҥен шуктымо лиеш. Тенийсе ий кусарыме программым шыҥдарымаште ойыртемалтше лиеш. Молан манаш гын, 2017-ше ий икымше январь марте аварийныйлан шотлымо пӧртла гыч калыкым кусарен пытарыме лиеш.
Тиде кечынак кӱлешан событий Волжский районысо Памар селаштат лийын. Тушто у пачерыш куснаш 18 тулык йоча ямдылалтеш. Марий Элым вуйлатыше нуныланат сравочым кучыктен да погынышо- влакым саламлен. Тудо палемден: 2019-ше гыч 2022-шо ий марте да тений икымше пелийыште 956 тулык йочалан илыме верым ситарыме. Тиде пашам умбакыже шуйымо лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
