Республикышкына грипп деч прививкым ышташ вакциным кондымо

Республикышкына грипп деч прививкым ышташ вакциным кондымо
            Республикышкына грипп деч прививкым ышташ йоча- влаклан 46 тӱжем дозым да кугыеҥ- влаклан 91 тӱжем утла дозо вакциным кондымо. Калык шушаш арня гыч илыме вер шот дене поликлиникыште прививкым ыштыктен кертеш. Кугыеҥ- влаклан «Совигрипп» вакциным, йоча- влаклан «Ультрикс   Квадри» вакциным кучылтыт. Прививкым ыштышаш риск группыш пурышо-влак нерген тазалыкаралтыш министерстве увертара. Эн ончыч прививкым чӱчкыдын, поснак кӧргӧ орган дене, черланыше- влаклан, илалше еҥ- влак, медицина пашеҥ, йоча- влак дене пашам ыштыше-шамычлан ыштыктыман. Вирусын инкубаций жапше улыжат ик-кок кече гына, симптомжо ок палдырне, а микрорганизм пеш талын вияҥеш. Чер ятыр осложненийыш конда: пневмонийыш, верге да вуйдорык черланымашке, эсогыл, эн нелышкат шуктен кертеш. Грипп деч Вакцинацийлан эн келшыше жаплан сентябрь ден октябрь шотлалтыт. Молан манаш гын, аралтыш вияҥже манын эн шагалже кок-ныл арня кӱлеш. Сандене эмлымаш вараш тӱҥалын гын, шукыжо годым тудын пайдалыкше изи.

Прошлые выпуски