Тачысе кече гыч 28-ше август марте Марий Элысе чодыраште тул пижын кертме 5-ше класс лӱдыкшым увертарыме
Тачысе кече гыч 28-ше август марте Марий Элысе чодыраште тул пижын кертме 5-ше класс лӱдыкшым увертарыме. Тиде эн кӱшыл класс. Тидын нерген верысе синоптик- влак шижтарат. Тыгай жапыште лӱдыкшыдымылык шотышто тӱҥ правл- влакым шарныман. Сад да даче участкылаште, чодыра воктене шӱкшакым йӱлалташ ок лий, чодыраште тулотым ылыжтыман огыл, тамакым шупшаш, ылыжтыме шырпым, тамакйолым кудалташ, шупшмо трубка гыч ломыжшым ястараш ок кӱл, чодыраште ӱшташлан кучылтмо бензин, керосин, моло йӱлышӧ материал дене нӧртымо лустырам кодаш ок лий, кечан верыште янда кленчам, янда пудыргым кодыман огыл.
