Волжскышто икымше гана начар колшо еҥ- влаклан литургийым эртарыме
Волжскышто икымше гана начар колшо еҥ- влаклан литургийым эртарыме. Волжск да Шернур епископ Феофанын сугыньлымыжо почеш Моско шнуй- влакын Соборыштым шарныме лӱмеш Волжскысо Никольский кафедрал соборышто начар колшо- влаклан кид йылмыш кусарен юмын литургийым эртарыме. Священник- влаклан Йошкар-Оласе Благовещений соборын сурдопереводчикше Мария Долгова полшен. Службыш Йошкар-Ола епархийын соҥыра да начар колшо- влакын общинышт гыч, Волжскысо соҥыра- влак ушемын инвалидышт да Никольский храмын прихожанже- влак миеныт. Йошкар-Ола гыч соҥыра- влак общинын еҥышт Никольский соборлан пӧлекым намиеныт. А оза- влак уна-шамычлан собор мучко экскурсийым эртареныт.
Фото: Епархий.
Фото: Епархий.
