Марий Элым вуйлатышын эртарыме совещанийыште корнылаште аварийностьым иземдыме йодыш- влакым каҥашыме

Марий Элым вуйлатышын эртарыме совещанийыште корнылаште аварийностьым иземдыме йодыш- влакым каҥашыме
          Марий Элым вуйлатышын эртарыме совещанийыште регион да муниципал кокласе кӱкшытан автомобиль корнылаште аварийностьым иземдыме да тудым иземдаш могай мерым ыштыме йодыш- влакым каҥашыме. Кажне йодышыжо денат паша кузе кайыме нерген МВД-н Кугыжаныш автоинспекций виктемым вуйлатышын пашажым шуктышо Андрей Шабалин, туныктыш министр Лариса Ревуцкая, транспорт да корно озанлык министр Александр Герасименко ойленыт.                    Республикым вуйлатыше корнышто аварийым шижтарыме да профилактике пашам писемден колташ куштен. Пытартыш жапыште корно туткарлаште колышо- влакын чотышт 18 утла процентлан шагалемын, но аварийын чотшо тургыжланымашым луктеш. Мемнан задачына- корным чылалан, поснак йоча ден ийготыш шудымо- влаклан, лӱдыкшыдымыракым ыштымаш,- каласен Юрий Зайцев.
             Андрей Шабалинын мутшо почеш, транспорт да корно озанлык министерстве пелен происшествийлан лияш мо йӧным да амалым пуымым шымлыме шотышто ведомство- влак кокласе пашаче группым ыштыме. Тудо утларак ДТП лийме верлам пытарыме шотышто мера- влакым ышта. Тенийсе индеш тылзыште 33 инженер мероприятийым шыҥдараш решенийым лукмо. Нуно корно движенийым вашталтымашке, скоростьым иземдымашке, эртен кудалаш чарымашке, барьер саварым вераҥдымашке, светофорын паша режимжым вашталтымашке виктаралтыныт. Идалык мучаш марте ялла гоч шуйнышо корнылан ужашыштым, нуно 22 меҥге утла кужытыш погынат, волгалтараш палемдыме. Транспорт ваштареш корныш кудал ынже лек манын кок корно ужашыште вич меҥге утла кужытышто делиниаторым вераҥдыме.
              Туныктыш министр йоча корно- транспорт травматизмлан профилактикым ыштыме шотышто мобильный рӱдерын верлашке лектын эртарыме мероприятийже нерген ойлен. Республикыште тыгак ача-ава патруль- влак пашам ыштат. Идалык еда самырык корно инспектор- влакын Республике кӱкшытан «Лӱдыкшыдымылык орава» конкурсышт эртаралтеш. 25 тӱжем утла йочалан машина тулым мӧҥгеш волгалтарыше элемент- влакым пуэдыме. Тений 200 миллион теҥгем искусственный волгыдым пурташ, тротуарлам тӧрлаш кучылтмо.
               Иктешлышыла Юрий Зайцев палемден: корнышто аварийность ваштареш кучедалмаш тиде тӱшка задаче - кучемын, Кугыжаныш автоинспекцйиын, тунемме тӧнеж- влакын, мер организацийын да кажне еҥын вийыштым пырля ушаш йодеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски