Марий Эл гыч СВО-н ветеранжылан медицина полышым налаш полшат
Марий Эл гыч СВО-н ветеранжылан медицина полышым налаш полшат. Мужество орден дене палемдалтше Андрей Ялтаев «Ачамландым аралыше- влак» фондын марий филиалжын ик эн ончыч полшымо еҥже. Андрей Медведево район гыч передовойыш шке кумылын каен. Но чаманаш логалеш, ик кредалмаште нелын сусырген. Фондын верысе филиалжын командыже герой дене пырля кужу корным эртен. Тӱналтышыште специалист- влак тудлан медицина полышым налаш полшеныт. Угарман олаште Андрей Эриковичлан операцийым ыштеныт. Таче кечылан ветеран медик- влакын эскерымаште улеш. Тиддеч посна тудлан инвалидностьым налаш полшеныт. Ме сай лектышлан ӱшанена да ветераным йол ӱмбаке шогалтена манын шонена,- ойла социал координатор Ирина Плаксина. Ушештарена: спецоперацийын ветеранже, вуйым пыштыше боец- влакын ешышт фондышто полышым налын кертыт. Йодыш лектеш гын, 232-542 номеран телефон дене йыҥгырташ лиеш.
Фото: «Ачамландым аралыше- влак» фондын марий филиалже.
Фото: «Ачамландым аралыше- влак» фондын марий филиалже.
