Марий Эл гыч тунемше- влак «Икымше номеран пост» толкынын активистше- влакын Россий кӱкшытан слётыштышт визымше верым налыныт

               Марий Эл гыч тунемше- влак «Икымше номеран пост» толкынын активистше- влакын Россий кӱкшытан слётыштышт визымше верым налыныт. Слёт Тверь областьыште 11-ше гыч 14-ше сентябрь марте эртен. Чылаже элысе 33 регион гыч 50 команде лийын. Тудо кадет, юнармеец, шарнымаш вахтын эн сай сменыже- влак гыч 400 утла еҥым ушен. Программыште строевой таҥасымаш, спортын военно-прикладной видше дене кучедалмаш, элнан историйжым, Кугу Сарын тӱҥ событийже- влакым  палымаш лийын. Республикын чапшым Александрова лӱмеш 11-ше лицейын 11-ше классыштыже тунемше- влак Николай Косарев, Анастасия Мокосеева, Егор Немцев, Михаил Павлов, Мария Шмарова араленыт. Туныктышышт- Нина Александровна Дудар. Тунемше- влак военно-прикладной таҥасымаште икымше верыш, строевой ямдылалтмаш дене кокымшо верыш лектыныт. Тыге команде- влак коклаште визымше лийыныт.

Прошлые выпуски