Марий Эл илыме вер да коммунал озанлык объектлам модернизироватлаш 575 миллион теҥгем налеш

Марий Эл илыме вер да коммунал озанлык объектлам модернизироватлаш 575 миллион теҥгем налеш
             Марий Эл илыме вер да коммунал озанлык объектлам модернизироватлаш 575 миллион теҥгем налеш. Россий Правительстве вуйлатышын алмаштышыже Марат Хуснуллинын видеоконференц кыл йӧн дене эртарыме Регионлам вияҥдыме шотышто правительстве комиссий штабын заседанийжын лектышыже почеш Марий Элын 2027-ше ий марте инфраструктура объектлам ойырен налмашке ушнашлан йодмашыжым сайлан шотлымо. Ойырен налмашке ушнымашыже инфраструктура объектлам олмыкташ казначей кредитым налаш кӱлеш. Тудын тӱшка акше 575 миллион теҥге лиеш.
           Марий Элым вуйлатыше докладыштыже палемден: кум инфраструктура проектым шыҥдараш палемдалтеш. Медведево районышто вӱдзаборым пужен ышташ да Новый посёлкышто оҥго семын ушен вӱдпуч сетьым чоҥаш, Знаменский посёлкышто канализацийым уэмдаш кӱлеш. Йошкар-Олаште шокшым ситарыше кок объектым пужен ыштыман. Тушкак Йошкар-Оласе икымше ТЭЦ-ыште котелым вашталтымаш да тепломагистральым олмыктымаш пурат. Мероприятийым шыҥдарымаш вӱдым ситарыме, йоктарен колтымо да шокшым ситарыме качествым 135 тӱжем еҥлан палынак саемдаш полша. Объект- влак шотышто проект да смета документаций ямде, моло документшым 2026-шо ийыште ыштен пытарат.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски