«Родина» кинотетарын уэмдыме зданийыштыже Йоча сымыктыш школ шке омсажым торжественно почын
Волжскышто «Родина» кинотетарын уэмдыме зданийыштыже Йоча сымыктыш школ шке омсажым торжественно почын. Пайрем мероприятий республикысе тӱвыра да сымыктыш тунемме организаций- влакын педагогике да вуйлатыше пашаеҥже- шамычын республикысе конференцийышт дене тӱналын. Ойыртемалтше событийыште Марий Элым вуйлатыше Юрий Зайцев, тӱвыра министр Константин Иванов, чоҥымаш да архитектура министр Александр Горбунов, Правительстве вуйлатышын икымше алмаштышыже Наталья Ошланова, сымыктыш школ директор Анна Замалутдинова да молат лийыныт. Глава пӧлем- влакым, хореографий, оркестр, хор класс- влакым ончен лектын. Актовый залыште кинотеарым пужен ыштыме нерген фильмым ончыктымо. Республикым вуйлатыше педагог- влакым у тунемме ий тӱҥалме дене саламлен, ойыртемалтше- влаклан наградым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
