Марий Эл Кугыжаныш Погынын 43-шо сессийже лийын

Марий Эл Кугыжаныш Погынын 43-шо сессийже лийын
                  Теҥгече Марий Эл Кугыжаныш Погынын 43-шо сессийже лийын. Тушто Марий Элым вуйлатыше Юрий Зайцев депутат- влак ончылно правительствын 2023-шо ийыште ыштыме паша лектышыже нерген отчётым ыштен. Тудын мутшо почеш экономикыште да социал сферыште кушмаш палемдалтын, бюджетын шке парышыже кугемын да калыкын илыш кӱкшытшӧ нӧлталалтын. Промышленный производство 14 процентлан кугемын. Тиде показатель дене Марий Эл Российысе лу ончыл регион радамыш, Юл кундемыште кокымшо верыш лектын. Илыме верым 2022-шо ий дене таҥастарымаште 23 процентлан шукырак чоҥымо. Тиде показатель дене ме Юл кундем округышто икымше верыште улына Тичмаш чоҥымо отрасльыште кушмаш 21 процентым эртен,- увертарен Юрий Зайцев. Тидымат ешарен: республикым вияҥдымаште кугу рольым президентын тӱҥалме калыкле проект- влак шуктен шогат. Увертарыме у проект- влакым шыҥдараш мыняр окса кӱлеш лиймым рашемдаш кӱштен. Республикым вуйлатыше лӱмын эртаырме сар операцийын участникше- влаклан да ешыштлан полышым пуымо, Куйбышев районлан полышым ыштыме  йодышешат шогалын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски