Марий Элыште кодшо ийын ялласе 12 почто кыл пӧлкам олмыктымо
Марий Элыште кодшо ийын ялласе 12 почто кыл пӧлкам олмыктымо. Марий Элым вуйлатыше Юрий Зайцев ден «Российын почтыжо» акционер ушемын генеральный директоржо Михаил Волков видеоконференций кыл йӧн дене 2023-шо ийыште олмыктымо почто пӧлкалам почыныт. Республикысе 215 почто пӧлка гыч 158-ыже яллаште верланеныт да ятырже олмыктымашым вучат. Тений Республикыште 17 пӧлкам уэмдаш палемдыме. Тымарте кок ийыште 23 пӧлкам ачалыме ыле. Кум ий жапыште чылаже 20 процент пӧлкам уэмдыме. Южо ялыште почто пӧлка верысе калыкым тӱня дене ушен шогышо ик окна гына улеш. Республикысе яллаште 250 тӱжем наре еҥ ила. Нунылан почта почта кылым гына огыл, моло кугыжаныш, социал полышымат пуа, шуко функциян тӧнежыш савырна. Мероприятийыште тыгак сенатор- влак Константин Косачёв, Сергей Мартынов да Марий Эл Правительствын еҥже- влак лийыныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
