Марий Эл пеш чапле транспорт узел лийын кертеш
Марий Эл пеш чапле транспорт узел лийын кертеш. Федераций Советын вице-спикерже Константин Косачевын мутшо почеш, транспорт хаб регионышто транспортын коштмыжо да туризм дене икмыняр йодышым виктарен колташ полша. Тидын нерген тудо сенатор- влакын Российысе транспорт министр Виталий Савельев дене вашлиймашышт каласен. Косачев палемден: Марий Эл Российысе кугу да виян ныл регион коклаште верланен. Тушто транспорт инфраструктурат эн ончыч вияҥеш. Тиде- Татарстан, Угарман, Киров областьла да Чуваший. Мемнан чылажат эн почеш шукталтеш. Авиасообщений уло, а Юл эҥерыште 70 меҥге кужытышто ик портат уке. Кызыт ик причал пырдыж чоҥалтеш, а турист судно- влак эртен каят. Тиддеч посна кӱртньӧ корнат тупик шотан улеш, транспорт ик корно дене коштеш, электрофицироватлыме огыл, Йошкар-Олаш шуэш да изиш умбакырак Киров кундемыш пура да чыла. Тудым Киров область гоч ушаш, тушто Яранск-Котельнич корно ужаш уло, да республикым транспорт хабыш, узелыш савыраш лиеш,- темлен Константин Косачёв. Тудын мутшо почеш, еҥ-влак Марий Эл гыч Татарстаныш ала мыняр шагат дене огыл, а кок шагатыште миен шуаш шонен илат.
Федераций Советым вуйлатыше Валентина Матвиенко тиде темлымашым поддержатлен да Марий Эл калыкле республике, тудын кугу куатше уло, манын. Регионлан чынжымак тӱткыш шагал ойыралтеш. Губернаторым ӱжаш да транспортым кузе вияҥдышашым чыла велым ончен лекташ лиеш,- каласен Матвиенко. Транспорт министр Виталий Савельев шонымаш дене келшен да Косачёвлан чиновник- влак дене пашаче вашлиймашым верыште ямдылаш темлен.
Фото: Россий Федерацийын Федераций Советше.
Федераций Советым вуйлатыше Валентина Матвиенко тиде темлымашым поддержатлен да Марий Эл калыкле республике, тудын кугу куатше уло, манын. Регионлан чынжымак тӱткыш шагал ойыралтеш. Губернаторым ӱжаш да транспортым кузе вияҥдышашым чыла велым ончен лекташ лиеш,- каласен Матвиенко. Транспорт министр Виталий Савельев шонымаш дене келшен да Косачёвлан чиновник- влак дене пашаче вашлиймашым верыште ямдылаш темлен.
Фото: Россий Федерацийын Федераций Советше.
