Марий Элын спортсменже- влак спорт туризм дене таҥасымашыште икымше вер- влакым налыныт

Марий Элын спортсменже- влак спорт туризм дене таҥасымашыште икымше вер- влакым налыныт
              Марий Элын спортсменже- влак спорт туризм дене таҥасымашыште икымше вер- влакым налыныт. Моско областьыште йолешке дистанцийыште спорт туризм дене Россий кӱкшытан таҥасымаш да Российын Кубокшо мучашлалтын. Ончыл вер верч элысе 33 субъект гыч 550 утла еҥ кучедалын. Марий Эл гыч 34 спортсмен миен да икмыняр комплект медальым сеҥен налын. Личный таҥасымашыште Ксения Мубаракшина кокымшо верым налын, Связке- влакын дистанцийыштышт Рустам Урдяков ден Георгий Дмитриев шӧртньӧ медальым налыныт. Кужу дистанцийыште эн виян вич еҥ коклаш Ксения Мубаракшина, Рустам Урдяков, Екатерина Николаева пуреныт. Группо- влакын таҥасымашыштышт Михаил Петров, Рустам Урдяков, Георгий Дмитриев сеҥыше лийыныт.- увертара спорт ямдылалтмаш рӱдер.
        Фото: Спорт ямдылалтмаш рӱдер.

Прошлые выпуски