Екатеринбург олаште «Иннопром-2024» выставкыште Марий Элынат ончержым почмо
Екатеринбург олаште «Иннопром-2024» выставкыште Марий Элынат выставкыжым почмо. Тӱнямбал промышленный выставке теҥгече «Ектеринбург-ЭКСПО-што» пашам ышташ тӱҥалын. Ончерын тӱҥ темыже- «Технологический партнёрство: формируя образ будущего». Тушто 46 тӱжем уна участвоватла. Марий Элын делегацийжым Республикым вуйлатыше Юрий Зайцев вуйлата. Тудо палемден: мемнан дене кӱкшӧ технологиян производство ӱшанлын да чолган вияҥеш. Тыгай предприятий- влакым выставкыште иквереш ик стендыш погаш лийна. Тидыже ончыкылык заказчик- влаклан йӧнан лиеш. Мемнан производитель- влак воктене исполнительный кучем шога да тӱрлӧ полышым пуаш ямде. Марий Элын стендыштыже шке продукций ден разработкыштым 9 промышленный компаний ончыкта. Нунын коклаште машиностроитель отрасль, инноваций разработкым ыштыше комапний- влак улыт. Тиде- «Мета-хром», «Метма», Мехатрон системе», «Неон+», «Росхолод- импекс», «Санда-М», «Технотех», «Эворус», «Экспломет» улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
