Марий Эл деч Кугыжаныш Думын депутатше паром воктенсе чарналтыш нерген йодышым нӧлталын
Марий Эл деч Кугыжаныш Думын депутатше паром воктенсе чарналтыш нерген йодышым нӧлталын. Сергей Казанков деке йодыш дене верысе калык лектын. Тиде гана Юринысе калыклан Юл эҥерыште паром чарныме верыште инфраструктурым саемдаш кӱлеш лийын. «Юрино-Сумки» переправа кок серым ушышо ик вӱд корно. Тудын дене Шереметев замокыш толшо турист- влак гына огыл, верысе калыкат кажне кечысе кӱлешлык дене кошто- влакат пайдаланат. Чылаштын автомобильышт уке. А йӱран, ночко годым, тиде проблемыш савырна. Молан манаш гын причалыште йӱр да мардеж деч нигуш шылаш- чарналтыш павильонат, тыглай левелышат уке. Автобус чарналтыш- влакым кучымо шотышто полномочийым чыла возен ончыктымо гын, причал шотышто чылажат нелырак. Сандене верысе калыкын йодмыжо почеш депутат йодмашым республикысе транспорт министерствыш колтен.
Фото: Сергей Казанков.
Фото: Сергей Казанков.
