Йошкар-Олаште Андрей Эшпай лӱмеш площадьым торжественно почмо
Йошкар-Олаште Андрей Эшпай лӱмеш площадьым торжественно почмо. Лӱмлӧ композиторын лӱмжым Филармоний ончылно эҥер серыште изирак кумдык налын. Тушто шарнымашан оҥам вераҥдыме. Оҥаште палемдыме: тиде событийым Андрей Яковлевичын 100 ияш лӱмгечыжлан пӧлеклыме. Почмо церемонийыште «Марий кундем» калык семӱзгар оркестр композиторын «Пайрем увертюрыжым» шоктен. Ола администрацийыште палемдат: тиде вер- Эшпайын усталыкшым да тудын марий тӱвыра ден сем сымыктышыш пыштыме надыржым аклымашым ончыкта. Погынышо- влакым Правительстве вуйлатышын алмаштышыже Константин Иванов саламлен. Тудо площадым ончыкыжым кузе вашталтыме нерген ойлен. Балконышто ача ден эрге- Яков ден Андрей Эшпаймытын скульптура композицийыштым вераҥдыме лиеш.
Фото: М. Васютинын ВК-же.
Фото: М. Васютинын ВК-же.
