Кодшо шуматкечын рӱдӧ олаштына Олан кечыжлан пӧлекалтше торжественный мероприятий эртыш
Кодшо шуматкечын рӱдӧ олаштына Олан кечыжлан пӧлекалтше торжественный мероприятий эртыш. Сцене гыч видеоформат дене республикым вуйлатышын саламлымашыже йоҥген. Пайремыш Российын Геройжо- влакын ешыштым ӱжмӧ: Марк Евтюхин ден Дамир Шаймардановын. Элна верч илышыштым пуышо военнослужащий- влакын аваштым- Лидия Евтюхина ден Ирина Шаймардановам погынышо- влак кынел шогал, совым рӱж кырен, саламленыт. Марий Элым вуйлатыше Юрий Зайцевын кӱштымыжӧ почеш Правительствым вуйлатышын икымше алмаштышыже Евгений Курмаев награде- влакым кучыктен. «Марий Эл ончылно надырлан» орденын медальжым туныктышо пашаеҥ- влак профушемым вуйлатыше Людмила Пуртова, «Марий Эл тӱвыран сулло пашаеҥже» Чап лӱмым Палантай лӱмеш тӱвыра колледжын туныктышыжо Маргарита Павлова, Правительствын Чап грамотыжым МЧС тӱҥ виктемым вуйлатыше Виктор Шангин налыныт. Республикым вуйлатышын тауштымашыжым Йошкар-Оласе 18-ше номеран йоча садым вуйлатыше Наталья Ведерниковалан, Кугыжаныш архивын секторжын туҥ архивистше Ольга Голосовалан, Чайковский лӱмеш йоча сымыктыш школын директоржо Светлана Мухортовалан увертарыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
