Юлтехыште сарзе тунемме рӱдерым ыштыме лиеш

           Юлтехыште сарзе тунемме рӱдерым ыштыме лиеш. Премьер- министр Михаил Мишустин регионлаште федерал кӱшыл шинчымашым пуышо кугыжаныш тунемме организацийла пелен 16 военный тунеме рӱдерым ыштыме нерген распоряжениеш кидпалыжым пыштен. Ыштышаш рӱдер- влак радамыш Марий Эл гычат вуз- Юл кундемысе кугыжаныш технологий университет пурен. Тыгай рӱдерым ышташ темлымашым оборона министр Сергей Шойгу пуэн. Тудын мутшо почеш военный ямдылалтмаш географийым 52 гыч 68 регион марте кумдаҥда. Тыге чылаже 120 рӱдер лиеш. Министрын палемдымыже почеш тидыже вузлаште военный ямдылалтмашым Вооружённый вийыште  йодмаш дене пайдаланыше корно ден  эрташ йӧным пуа.

Прошлые выпуски