Йошкар-Олаште кызтысе жаплан келшыше 120 номеран бизнес-отельым чоҥат
Республикыште Кравт Групп турист- влакым вучышо у верым ышта. Российысе унагудо оператор ден девелопер Йошкар-Олаште кызтысе жаплан келшыше 120 номеран бизнес-отельым чоҥат. КравтОтель Йошкар-Ола оланан рӱдӧ ужашыштыже верлана да кӱкшӧ качестван унагудо лиеш, республикыш шукырак туристым толаш кумылаҥда. Проект Республикым вуйлатыше Юрий Зайцевын тӱҥалтышыже почеш Сбербанкын полшымыжо дене шыҥдаралтеш. Чоҥымашке ик миллиардат 200 миллион теҥге инвестицийым пыштат. Отельым 2024-ше ийын нылымше кварталыштыже почаш палемдыме. Унагудо комплекс олан тӱсшым да стильжым шотыш налын ышталтеш. Чапле, кӱкшӧ сервисан отель рӱдӧ олалан кӱлеш. Тудо турист- влакым да тӱрлӧ конференцийым эртараш бизнес-сообществылан кӱлешан. 250 наре еҥ пурыман площадке- влак олаште йодмаш дене пайдаланат.- каласен республикым вуйлатыше.
Фото: Йошкар-Ола администрацийын сайтше.
Фото: Йошкар-Ола администрацийын сайтше.
