Куржталаш йӧратыше- влак у 2023-шо ийым куржталмаш дене тӱҥалыт

            Рӱдӧ оласе куржталаш йӧратыше- влак у 2023-шо ийым йӱлаш савырныше куржталмаш дене тӱҥалыт. Йӱштӧ Кугыза, Лумӱдыр да куржталаш йӧратыше- влакын «Айвика» клубышт икымше январьыште пайрем куржталмашке ӱжыт. Йӱштӧ Кугыза 11 шагатат 30 минутлан Йошкар-Олан эн йӱдвел ужашыже- Машиностроитель, Водопроводный да Дружба уремла корнывож гыч куржаш тӱҥалеш да Ленин лӱмеш тӱвыра полат деке куржын толеш. Тушто Лумӱдыр да куржталаш кумылан- влак дене вашлиймеке, Сеҥымаш Парк йыр куржын савырнат, вара Сеҥымаш да Чавайн бульвар гоч Благовещений башне деке куржыт. Лач кечывал тураште моло куржталше- влак дене пырля шарнымашан фотосӱретым ыштымеке, Йӱштӧ Коча ден Лумӱдыр Эҥер сер мучко кум меҥгым куржын эртат. Тулеч вара Ленин площадьыш, республикыцсе тӱҥ  кож деке вашкат.
            Фото: Куржталаш йӧратыше- влакын «Айвика» клубышт.

Прошлые выпуски