Марий Элын проектше Россий кӱкшытан конкурсышто сеҥыше- влак радамыш пурен

              Марий Элын проектше «Илыме вер да оласе кумдык» йӧнан кумдыкым ыштыме шотышто эн сай проектлан  Россий кӱкшытан 7-ше конкурсышто сеҥыше- влак радамыш пурен. Тушко «Оласе илышын рӱдыжӧ. Волжск олаште Рӱдӧ площадьым да Ленин уремын ужашыжым тӱзландарыме проектым» колтымо. Тений Российысе конкурсышто кок проект сеҥышыш лектын. Иктыже-«Звениговын эҥер капкаже: Юлысо причал воктенысе сер» да «Олан у йӱкшӧ. Козьмодемьянскыцште композитор Андрей Эшпайын скверже». Но Российын Президентше Владимир Путинын решенийже почеш тений эше элна мучко 80 ола шке кӱлешан кумдыкшым тӱзландараш да федерал окса кӱшеш у проект- влакым ышташ ешартыш йӧным налын. Конкурсын ешартыш йыжыҥышкыже 194 йодмашым пуымо. Марий Эл «50 тӱжем гыч 100 тӱжем марте еҥ илыман изи ола- влак» категорийыште участвоватлен да 100 миллион теҥгем сеҥен налын. Волжск олан рӱдӧ площадьшым ола да мер илышын парад рӱдерышкыже савыраш чапле йӧнжӧ лектын.
        Фото: Республикысе чоҥымаш министерстве.

Прошлые выпуски