Марий Элым вуйлатыше вияш эфирыште тӱзландарыме нерген калыкын йодышыжлан вашештен

Марий Элым вуйлатыше вияш эфирыште тӱзландарыме нерген калыкын йодышыжлан вашештен
             Марий Элым вуйлатыше вияш эфирыште тӱзландарыме нерген калыкын йодышыжлан вашештен. Уремым волгалтарыме да шӱк-куштыран шуко погынымжо нерген йодыш- влакым нӧлталыныт. Юрий Зайцевын мутшо почеш ола уремлам волгалтарыме паша, очыни, шонымо семын писын ок ышталт. Ола  кушкеш, у урем- влак шочыт. Кызыт мэрийын балансыштыже 16 тӱжем волгалтарыше устройство уло. Эше тӱжемат пеле фонарьым виктарыше компаний ден предприятий- влак обслуживатлат. Ола эркын-эркын тоштемше лампе- влакым светодиодан дене вашталта. Тиде оксам йодеш, но паша кая. Тымарте вич тӱжем светильникым светододан дене вашталтыме,-каласен республикым вуйлатыше. Тидымат палемден: чоҥышо- влак дене паша ышталтеш. Нунылан проектыш кызытсе жаплан келшыше, энергийым аныклыше волгалтарымашым пурташ темлыме. А палемдыдыме верлаште шӱк-куштырам чумырымым пеш начар паша манын. Федераций Советыште лийме годымат Валентина Матвиенко республикыште тыгай проблеме улмо нерген шижтарен. Тиде- пашалан вуйын шогышо вуйлатыше- влакын айда-лийже койышышт. Олам вуйлатыше- влаклан регионысо оператор дене пашам ышташ кӱлмӧ нерген шижтарыме. Йодыш контрольышто кучалтеш. Тыгак республикым вуйлатыше тӱшка да кудывече кумдыклам тӱзландарыме программе нерген ойлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски