Марий Элым вуйлатыше Куженер районышто капитально олмыктымо але пужен ыштыме объект- влакым ончен лектын
Марий Элым вуйлатыше Куженер районышто капитально олмыктымо але пужен ыштыме объект- влакым ончен лектын. Икымше объектше- Одобеляк- Куженер-Параньга корно. Тудо «Качестван лӱдыкшыдымӧ корно» калыкле проект почеш ышталтеш. Тиде корно ужашым тӧрлаш Юрий Зайцев Куженер районысо актив дене вашлиймыже деч вара кӱштен ыле. Корно ужашын кужытшо ныл меҥге наре шуйна. Пашан акше 511 миллион теҥге. Тымарте корнын 78 процентшым шуктымо. Пужен ыштыме паша 2024-ше ийыште мучашлалтшаш. Республикым вуйлатыше графикым чаткан эскераш да паша темпым иземдыде тыршаш темлен.
Тиддеч вара Республикым вуйлатыше Йывансола ялысе тӱвыра пӧртыштӧ лийын. Тений тудым пужен ыштыме: лапка леведыш олмеш тайыланым ыштыме, окна ден омсам уэмдыме, пырдыжым тӱжвал могыр гыч металло кассете дене комыжлымо, кӧргӧ пӧлем- влакым ачалыме. Йывансола тӱвыра пӧрт фестиваль, смотр-конкурслам, декоративно-прикладной ончерлам эртарыме рӱдер улеш, «Мурсескем» фольклор да этнографий калык ансамбльже дене чаплана, республике да россий кӱкшытан конкурслаште сеҥышыш лектеда.
Тиддеч вара Юрий Зайцев Куженерысе тӱҥ школыш миен. Тудым капитально олмыктымо. Республикым вуйлатыше тудым радамын ончен лектын. Чыла пашам пеш чаплын шуктымо манын. Паша дене коштмо деч вара Марий Элым вуйлатыше совещанийым эртарен.
Фото: Марий Элым вуйлатышын администрацийжын увер дене пашам ыштыше пӧлкаже.
Тиддеч вара Республикым вуйлатыше Йывансола ялысе тӱвыра пӧртыштӧ лийын. Тений тудым пужен ыштыме: лапка леведыш олмеш тайыланым ыштыме, окна ден омсам уэмдыме, пырдыжым тӱжвал могыр гыч металло кассете дене комыжлымо, кӧргӧ пӧлем- влакым ачалыме. Йывансола тӱвыра пӧрт фестиваль, смотр-конкурслам, декоративно-прикладной ончерлам эртарыме рӱдер улеш, «Мурсескем» фольклор да этнографий калык ансамбльже дене чаплана, республике да россий кӱкшытан конкурслаште сеҥышыш лектеда.
Тиддеч вара Юрий Зайцев Куженерысе тӱҥ школыш миен. Тудым капитально олмыктымо. Республикым вуйлатыше тудым радамын ончен лектын. Чыла пашам пеш чаплын шуктымо манын. Паша дене коштмо деч вара Марий Элым вуйлатыше совещанийым эртарен.
Фото: Марий Элым вуйлатышын администрацийжын увер дене пашам ыштыше пӧлкаже.
