Сергей Мартынов Чавайн лӱмеш калыкле книгагудыш миен
Россий Федерацийын сенаторжо, Федераций Советыште Марий Элысе Кугыжаныш Погын деч представитель Сергей Мартынов Чавайн лӱмеш калыкле книгагудыш миен, марий сылнымутлан негызым пыштыше писательын талантше дене кылдалтше ӱзгар- влакым ончен. Книгагудышто ушештареныт: Сергей Чавайн книгам пагалыме да йӧратыме кумылжым ӱмыржӧ мучко йомдарен огыл. Тыгай жапат лийын: кунам ача-аважын суртышто тул пижын, эн ончыч тудо книга- влакым утараш пижын. Шкенжынат библиотекыже пеш поян лийын. Книгагудо Сергей Григорьевичын поян наследийжым переген арала. Тудын кабинетыштыже илымыже годымак савыктыме книгаже- влак улыт. Нуно тӱвыра да историй поянлыклан шотлалтыт. Ик шкафыште поэтын библиотекыжым уэш чумыреныт. Тушко классикын йӧратыме книгаже- влак пуреныт. Кугешнаш гына кодеш: Марий Элыште марий калыкын ик эн талантан эргыже Сергей Чавайн нерген шарнымашым уло чон дене пагален аралат,- каласен сенатор Сергей Мартынов. Тиде сылнымут поянлыкым, тӱвыра кодым, калыкын шӱм-чон негызшым аралыме достойный пример,- ешарен тудо.
Фото: Марий Эл Кугыжаныш Погын.
Фото: Марий Эл Кугыжаныш Погын.
