Марий Элым вуйлатыше лумым эрыктыме пашам пеҥгыдын тергаш кӱштен
Марий Элым вуйлатыше лумым эрыктыме пашам пеҥгыдын тергаш кӱштен. Правительствыште муниципалитетлаште эрыктыме пашам виктарыме йодыш дене совещаний эртен. Январь гыч республикыште вочшо лум тылзаш нормым 30-50 сантиметрлан эртен. Лум шукылан кӧра чыла коммунал службо сутка мучко пашам ышта. Йодышым Марий Элым вуйлатыше Юрий Зайцев контрольышто куча. Ола администрацийын уверже почеш коммунал службо улшо пӱтынь куатшым кучылтын тырша, уремлам эрыкташ специализированный технике ок сите. Лум чот луммо годым техникым тарлаш верештеш. Тургым тӱҥалме годсек оласе уремла гыч 100 тӱжем утла кубометр лумым шупшыктымо. Мера ышталтеш гынат, Правительствыш калык деч вуйшиймаш- влак пурат. Марий Элым вуйлатыше корно службын, виктарыше компанийлан да обслуживатлыше организаций- влакын пашаштым вияҥден колташ, обращений- влак дене писын пашам ышташ кӱштен. Совещанийыште тыгак спецтехникым ешарен налме йодышым каҥашыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
