Олан прокуроржо Йошкар-Олан мэрже шотышто пашам тарватен
Олан прокуроржо Йошкар-Олан мэрже шотышто пашам тарватен. Олан прокуратурыжо социал вотлаште савыктыме увертарымаш да калыкын обращенийжылан эҥертен теле жапыште урем-корно- влакым кучымо шотышто законодательствым шуктымым терген лектын. Рашемдыме: тений январьыште лум луммо деч вара Йошкар-Ола администраций шке жапыштыже корнылам, тротуарым, квартал кокласе корным, тунемме тӧнежла да социал кӱлешан объектла деке корным эрыктен огыл. Эрыктыдыме тротуар, пел метр утла кӱкшытан чумырымо лум, колея еҥ- влакым эмганымашке да ДТП лиймашке конден. Прокуратура Йошкар-Олан мэржылан представленийым пуэн да административный правонарушений шотышто пашам тарватен. Тиддеч посна начар игече годым корнышто лӱдыкшӧ деч посна кошташ мерым ыштыдымылан МВД Йошкар-Оласе виктемын ОГИБДД начальникшылан представленийым пуэн.
Волжскысо район- влак кокласе Прокуратура тыгак лумым эрыктыдымылан кӧра Волжск олан мэрже Рафис Шагвалеевлан представленийым пуэн да тудын икымше алмаштышыже Сергей Лазарев шотышто административный правонарушенийлан пашам тарватен.
Фото: Прокуратурын пресс-службыжо.
Волжскысо район- влак кокласе Прокуратура тыгак лумым эрыктыдымылан кӧра Волжск олан мэрже Рафис Шагвалеевлан представленийым пуэн да тудын икымше алмаштышыже Сергей Лазарев шотышто административный правонарушенийлан пашам тарватен.
Фото: Прокуратурын пресс-службыжо.
