Йошкар-Олаште Ленин проспектын ужашыжым 6 полосаным ыштат

Йошкар-Олаште Ленин проспектын ужашыжым 6 полосаным ыштат
            Йошкар-Олаште Ленин проспектын ужашыжым 6 полосаным ыштат. Ола мэрын икымше алмаштышыже Лев Покровский Ленин проспект ден Киров уремын корнывожыштышт транспорт коштмо схема кузе вашталтме нерген социал вотлаште умылтарен: ончычсо вашлиймашыште «Город» МУП-ын специалистше- влаклан тиде кундемыште транспорт кузе чӱчкыдын коштмыжым шотлаш задачым шынденам ыле. Нуно шуктеныт. Коеш: шагат еда кажне могырышкыжат тӱжем наре автомобиль кудал эрта. Но транспорт йогын вашталт шога. Мутлан, эрдене Ленин проспект дене шола могырыш шуко машина ок кай, каслан кум пачаш шукемеш. Тыгак пурлашке Киров уремышкат. Ширяйково велым кас велеш йогын кум пачаш шукемеш. Покровскийын мутшо почеш тиде корнывожын южо ужашыжым пужен ышташ лийме. Шушаш арнян тиде кундемыште лӱдыкшыдымӧ «отро- влакым» рончаш тӱналыт. Ленин проспектысе машина корно кок верыште кумдаҥеш, полоса кудыт марте ешаралтеш, разметке ышталтеш. Тиде пашам 3-5-ше июнь марте мучашлаш палемдалтеш. Тиддеч вара арнят пеле машина йогыным шымлаш да светофор фазым тӧрлаш тӱналына. Кӱлеш лиеш гын, вес йыжыҥ семын Киров уремысе илыме пӧрт- влак могырысо корно покшеч ойырышо ужар полоса ужашым кораҥдена.- каласен администрацийын еҥже. Чыла тиде пашам июнь кыдаллан мучашлаш палемдыме.
         Фото: Лев Покровский ВК.

Прошлые выпуски