Теҥгече писатель Аркадий Крупняковын шочмыжлан 105 ий темын
Теҥгече писатель Аркадий Крупняковын шочмыжлан 105 ий темын. Аркадий Степанович Крупняков- писатель, драматург, журналист, Марий АССР-ын калык писательже, Кугыжаныш премийын лауреатше. Кугу Сарын участникше. Тудын «Гусляры» трилогийже, «Вольные города», «Марш Акпарса», «Есть на Волге утёс», «Царёв город: сказание о Нове городе да Кокшаге», «Амазонки» сылнымут произведенийже- влак кумдан палыме улыт. Теҥгече писательлан Чавайн бульварысе чапкӱжӧ воктеке пеледыш аршашым пыштыме. Мероприятийыште писатель, мер пашаеҥ, усталыкшым пагалыше- влак деч посна Аркадий Степановичын эргыже, лӱмлӧ писатель, журналист, Сергей Крупняков лийын. А 29-ше майыште Йошкар-Олан историй тоштерыштыже «Царёв город» книган савыкталт лекмыжлан 40 ий теммылан пӧлеклалтше олам палыше- влак клубын заседанийже лиеш.
Фото: Павел Стариков.
Фото: Павел Стариков.
