Москошто Россий ден Китайын вашкылышт нерген йодышым каҥашеныт
Москошто Россий ден Китайын вашкылышт нерген йодышым каҥашеныт. Марий Эл Правительстве вуйлатышын алмаштышыже Дмитрий Троицкий Регион- влак кокласе, чек воктелсе да посна экономик зонын вашкылышт шотышто Россий ден Китайын постоянный пашаче группыштын нылымше заседанийыштыже участвоватлен. Пашаче группын Россий могыржым Россий Федерацийын экономически вияҥдыме министрын алмаштышыже Дмитрий Вольвач вуйлатен, Китай делегацийым- Китай калык республикын министржын алмаштышыже Лин Цзи. Заседанийыште Россий ден Китайын регионыштын инвестиций потенциалыштым, транспорт, логистика, автомобиль промышленность аланыште муниципал да регионла кокласе вашкыл, тыгак индустриал парк ден посна экономик зона линий дене кылым кучымо йодыш- влакым каҥашеныт. Дмитрий Троицкий мероприятийын кӱлешлыкшым палемден. 2023-шо ийыште Марий Эл ден Китай коклаште внешне торговый оборот 84 миллион утла долларыш шуын, сатум экспортыш 15 миллион утла долларлан колтымо, мемнан деке 68 миллион утла долларлан кондымо. Марий Эл правительстве ден Хубэй провинцийын да Чунцин олан калык правительствышт дене вашкыл шотышто ойпидышым кылдыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
