Марий Элым вуйлатыше «Промышленный Российын цифран индустрийже» конференцийыште лийын
Марий Элым вуйлатыше «Промышленный Российын цифран индустрийже» конференцийыште лийын. 9-ше конференций Угарман олаште 21-ше гыч 24-ше май марте эрта. Мероприятий регионласе федерал ведомствылан вуйлатышыштым, кугу да кыдалаш бизнесын озаштым, вияҥдыме да шанче кугыжаныш институтлан еҥыштым, посна инвестор ден амалкалче- влакым ушен. Пленар заседанийыште Россий Правительствым вуйлатыше Михаил Мишустин ойлен. Премьер увертарен: Российысе 80 процент предприятий 2030-шо ий марте шкенан элыште ыштыме программе обеспеченийыш куснышаш. Тидымат ешарен: правительстве Ай-Ти секторлан тӱрлӧ велым полшен шога. Полыш кокла гыч тудо парышлан налог шотышто льготан ставкым, страховой взносын иземдыме тарифшым да пашаеҥ- влаклан посна преференцийым палемден. Полпред Игорь Комаров каласен: округышто производство ден энергетикышке цифран технологий да виктаырме автоматизированный системе шыҥдаралтеш, шке ыштыме программе обеспечений ямдылалтеш.
Марий Элыште увер технологий отрасль писын вияҥеш да ятыр лу дене компаний пашам ышта. Регионышто экономикын, социал сферын да кугыжаныш виктемын тӱҥ отрасльыштыже цифрым шыҥдарыме стратегий шыҥдаралтеш. Кызыт элыште у «Экономика данных» калыкле проектым шыҥдарымылан кӧра стратегий уэмдалтеш. Калыкле проект кышкарыште Республикым вуйлатышын ситуаций рӱдерже, киберлӱдыкшылан ваштареш шогышо рӱдерым ышташ палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
Марий Элыште увер технологий отрасль писын вияҥеш да ятыр лу дене компаний пашам ышта. Регионышто экономикын, социал сферын да кугыжаныш виктемын тӱҥ отрасльыштыже цифрым шыҥдарыме стратегий шыҥдаралтеш. Кызыт элыште у «Экономика данных» калыкле проектым шыҥдарымылан кӧра стратегий уэмдалтеш. Калыкле проект кышкарыште Республикым вуйлатышын ситуаций рӱдерже, киберлӱдыкшылан ваштареш шогышо рӱдерым ышташ палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
