«Черемис- влакын Юмын йӱлашт» савыктышым цифран форматыш кусареныт
Марий Элыште «Черемис- влакын Юмын йӱлашт» савыктышым цифран форматыш кусареныт. Тиде книгаште чимарий йӱлаште 105 наре юмым ончыктымо. Чавайн лӱмеш калыкле книгагудын пашаеҥже- влак «Тӱвыра» калыкле проект кышкарыште 19-ше курымышто але 1887-ше ийыште лукмо савыктышлан у шӱлышым пуэныт. Книга 15 ужаш гыч шога. Кажныштыже марий кумалтыш мутым рушлаш кусарен пуымо, олык ден курык марий – влакын йӱлаштым таҥастарен ончыктымо. Могай кумалтыш мутым кунам да кушто каласыме нерген умылтарыме. 2024-ше ий марте республикыштына книга памятниклан шотлатше 60 савыктышым цифран форматыш кусараш палемдыме. Тиддеч посна сотрудник- влак марий книга- влакым цифрыш кусарат. Тидыже ала мыняр тӱжем книгаш погына. Специалист- влакын шонымышт почеш электрон копий- влакым шукырак еҥ лудын кертеш да пайдаланаш йӧнанрак лиеш.
