Школ- влакын хор да вокал коллективыштын Россий кӱкшытан конкурсыштын регионысо йыжыҥже эртен
Тунемме организаций- влакын хор да вокал коллективыштын Россий кӱкшытан конкурсыштын регионысо йыжыҥже эртен. «Школысо хор «Самырык жапысе муро» да «Сем калейдоскоп «Вокал коллектив» номинацийлаште конкурс йоча да самырык- влакын усталык полатыштыште лийын. Конкурсыш республикысе 9 муниципалитет, школласе 10 хор да вич вокал коллектив ушнен. 200 утла тунемше кум тӱҥ произведенийым мурен: джаз, фольклор, калык да эстрада мурым. Российыште тыгай конкурс икымше гана эрта. Регионысо йыжыҥын лектышыже почеш сеҥыше- влак рашемыныт. Нунын выступленийыштым федерал йыжыҥын ойырен налме турышкыжо колтат. «Школ хор» номнацийыште икымше верым вигак ныл коллектив налын. Тиде Йошкар-Оласе 19-ше школын изирак да кугурак хоржо, Кугунур школын, Шернурысо кокымшо школын хорышт. Кокымшо верыш Шернурысо икымше школын, кумшо верыш «Дарование» школ-интернатын хорышт лектыныт. «Вокал коллектив» номинаций дене икымше верым Козьмодемьянскын лицейже, кокымшым Козьмодемьянскысе «Дарование» школ интернат, кумшым Визымйар школ налыныт. Конкурсын финалже шушаш ийын мартыште Россий кӱкшытан «Орлёнок» йоча рӱдерыште лиеш. Кызыт конкурсышто элысе 89 регион таҥаса.
Фото: Туныктыш министерстве.
Фото: Туныктыш министерстве.
