Марий Элым вуйлатыше спортын олимпий видше- влакым вияҥдаш шона

Марий Элым вуйлатыше спортын олимпий видше- влакым вияҥдаш шона
              Марий Элым вуйлатыше спортын олимпий видше- влакым вияҥдаш шона. Юрий Зайцев Российысе Олимпий комитетын генеральный директоржо Владимир Сенгелеев дене республикыштына Россий да регион- влак кокласе кӱкшытан таҥасымаш- влакым эртараш лийме нерген мутланеныт. Юрий Зайцев палемден: регионышто кӱлешан спорт инфраструктура ситышын уло, идалык еда кугу мероприятий- влак эртаралтыт. Кызыт спортын 60 видше дене регионысо 58 спорт федераций аккредитоватлалтын. Тушечын 25-ше - олимпий спорт. Тиддеч посна республикыште ятыр талантан да ончыкылыкан спортсмен уло. Нуно элнан сборный командылашкыже пурат. Республикым вуйлатыше Владимир Сенгелеевлан увертарен: тений Марий Элыште Россий кӱкшытан 30, регион- влак кокласе 14 таҥасымаш эртышаш. Тушечын спортын олимпий видше дене 7-ше Россий кӱкшытан, визытше -регион- влак кокласе кӱкшытан. Мучашлан Юрий Зайцев ешарен: республикыште спортын олимпий видше дене Российын Чемпионатше, Первенствыже, Кубокшо эртаралтын огыл, но регион тыгай кӱкшытан таҥасымаш- влакымат вашлияш ямде.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски