«Марий краевед» клублан- 35 ий

«Марий краевед» клублан- 35 ий
            «Марий краевед» клублан- 35 ий. Сергей Чавайн лӱмеш калыкле книгаудышто 9-ше февральын 16 шагатлан клубын 130-шо погынымашыже лиеш. Тиде гана клубын еҥже да ӱжмӧ уна- влак «Марий краеведым» ыштымлан 35 темме лӱмеш погынат. Клуб шке пашажым 1988-ше ийыште тӱналын. Тудым негызлыше семын пӧлкам вуйлатыше Таисия Макарова шарнымашеш кодын. Председательжылан лӱмлӧ шанчыеҥ, историй наука доктор, профессор Ксенофонт Сануковым сайлыме. 2018-ше ий октябрь гыч клубым краевед, Марий Эл тӱвыран сулло пашаеҥже Алексей Клёнов вуйлата. Лӱмгече заседанийыште краевед да туныктышо Зоя Кузнецован «Кочан серже» книгажлан презентаций лиеш. Книгаш поян, ойыртемалтше метариалым погымо. Икымше томыш Куженер районысо пытыше Оршӱт ял негызеш историй нерген 600 документым пуртымо. Савыктышым «Талукын книгаже- 2022» луымшо конкурсыш пуымо да «Изи шочмо вер нерген эн сай книга» номинацийыште сеҥышыш лектын.
             Фото: С.Чавайн лӱмеш калыкле книгагудо.

Прошлые выпуски