Морко районышто Ировка эҥер гоч кӱварым чоҥаш тӱҥалыт
Морко районышто Ировка эҥер гоч кӱварым чоҥаш тӱҥалыт. Кӧкрем-Петровский автомобиль корнышто Ировка эҥер гоч у кӱварым чоҥымым Петровскийыште илыше- влак шукертсек вучат. Тудым 2023-шо- 2024-ше ийыште ышташ палемдыме. Проектым ямдылыме. Тиде сай уверым район администрацийым вуйлатыше Александр Голубков ЦУР площадкыште вияш эфирыште увертарен. Тидымат каласен: шушаш ийын Звенигово-Шолеҥер-Морко корнымбалне Октябрьский посёлко воктене Вончо эҥер гоч куварым капитально олмыкташ палемдыме. Пытартыш жапыште калыкле проект почеш республике кӱкшытан 46 меҥге корным олмыктымо: Морко-Уньжинский, Звенигово-Шолеҥер-Морко, Ургаш-Роҥго-Морко. Тиде пашалан 646 миллион теҥге оксам кучылтмо. Тидын годым районышто верысе кӱкшытан 596 корно шотлалтеш. Тудын тичмаш кужытшо 486 меҥгыш погына. Таҥастараш гын, тиде Морко гыч Самара ола марте кужыт лиеш. Сандене тыгай озанлыкым районын вийже дене гына кучаш ок лий. Тидлан «Ял кундемлам ӱшанлын вияҥдымаш» программе полша. Тиддеч посна район администрацийым вуйлатыше верысе калыкын корным эрыктыме, ырыктыше котёл- влакым олмыктымо, вӱдым ситарыме, калыкым шупшыктымо, тошто пӧртла гыч кусарыме, школ- влаклан компьютерым налме да моло йодышлан вашештен.
Фото: «Марий Элыште корно- влак» паблик.
Фото: «Марий Элыште корно- влак» паблик.
