Марий Турек районышто илыше- влак ик кечым кӱсен телефон да интернет деч посна оҥайын эртареныт

Марий Турек районышто илыше- влак ик кечым кӱсен телефон да интернет деч посна оҥайын эртареныт
            Марий Турек районышто илыше- влак ик кечым кӱсен телефон да интернет деч посна оҥайын эртареныт. «Ик кечым телефон деч посна» акцийым «Единый Россий» партийын верысе пӧлкажын, туныктыш да самырык- влакын пашашт шотышто пӧлкан еҥышт доброволец да лӱмын эртарыме сар операцийын участникыштын ешышт дене пырля эртареныт. Молан манаш гын 6-шо февральыште «Мобил телефон деч шӧрлымӧ тӱнямбал кече» палемдалтын. Акций кышкарыште гаджет деч шӧрлымын пайдалыкше нерген мутланеныт, чолга еш- влак дене Ий полатыш миеныт, шинчаваш мутланымын пайдаже нерген ойленыт. Уремыште мобил телефонын эҥгекше нерген памяткым шаркаленыт, айста пырля чулымын канена, лектыш дене илена да шонкалена» видеообращенийым луктыныт. Мӧҥгыштӧ ача-ава- влак икшывышт дене яра жапым йӧратыме пашалан пӧлекленыт але пырля оҥай занятий- влакым шонен луктыныт. Тыге телефон деч посна жапым пырля пайдалын эртареныт. Нуно пидыныт, сӱретленыт, когыль ден пельменьым ыштеныт. Виртуал илышым чын илыш дене вашталташ ӱжмашан плакат – влакым сӱретленыт. Ятырже ече дене лектыныт, курык гыч ватрушко да издер дене мунчалтеныт.
              Фото: «Единый Российын» верысе пӧлкажын архивше.

Прошлые выпуски