Республикыштына чарныде йӱлышӧ «Курымашлык тул» кум комплекс лиеш
Республикыштына чарныде йӱлышӧ «Курымашлык тул» кум комплекс лиеш. Кызыт Йошкар-Олаште да Волжскышто пашам ыштат. Нунын деке Козьмодемьянскысе ешаралтеш. Чыкма олаште Чап обелискым 45 ий ондак чоҥымо ыле. Тудо марте курымашлык тулым газ баллон деч Сеҥымаш кечым пайремлые годым гына чӱктеныт. Тений тудым пӱтынек пужен ыштат. Республикысе газ компаний- влакын полшымышт дене Курымашлык тул сетьысе пӱртӱс газыш кусаралтеш да чарныде пашам ышташ тӱҥалеш. Кызыт проект пашам шуктат, вара мланде йымач газ пучым пыштат, счётчикым да горелкым шындат. Тӱжвал могыржат йӧршын вашталтеш. Пашам шокшо толмеке тӱҥалыт.
