Марий Элым вуйлатышын тӱналтышыже почеш калыкын 800 утла темлымашыжым илышыш шыҥдарыме

Марий Элым вуйлатышын тӱналтышыже почеш калыкын 800 утла темлымашыжым илышыш шыҥдарыме
            Марий Элым вуйлатышын тӱналтышыже почеш калыкын 800 утла темлымашыжым илышыш шыҥдарыме. Юрий Зайцев тудын кӱштымыжӧ почеш кодшо ийын погымо стратегий инициативым шыҥдарыме йодыш дене совещанийым эртарен. Тунам тыгай сессий- влак ятыр муниципал образованийыште эртеныт. Тушко калык деч йодыш ден темлымашым погышо еҥ- влак погыенныт да Республикым вуйлатышылан увертареныт. ЦУР-ым вуйлатыше Виктор Трифонов увертарен: обращений- влакым темылан ойыркалаш гын, ончыко корным кучымо йодыш лектеш, кокымшо верыште ЖКХ йодыш, вара траснпорт да социал обслуживаний, пӧртым ырыктыме йодыш- влак улыт. Стратегий инициативым шыҥдарыме нерген промышленность министр Станислав Крылов ойлен. Районлаште эртыше сессийла почеш чылаже калык деч 23 тӱжемат 165 темлымаш пурен. Нуным тӱшка дене шеледыме. Эн шукыжо социал инфраструктура- корно, транспорт, илыме верым чоҥымаш, оласе кумдык, газым да вӱдым ситарымаш улыт. Кум тӱжемат пелыже туныктымо, кок тӱжем утлаже тазалыкаралтыш да калыкым аралымеш дене кылдалтыныт. Икымше январьлан 828 тӱҥалтышыжым илышыш шыҥдарыме, кум миллиард утла теҥге оксам кучылтмо. 2025-ше ий марте бюджетыште ныл тӱжемат 800 утла инициативым шыҥдараш 19 миллиард теҥгем палемдыме. Марий Элым вуйлатыше палемден: стратегий планирований кышкарыште мерпоритяий- влакым калык шке темлен. Тиде нунын кӱлешышт. Сандене нуным  виктараш корным муман, йӧн- влакым шоныман, федерал программе ден проект- влакым кучылтман.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски