Марий Элым вуйлатыше Юрий Зайцев Эл эл кӧргӧ паша министерстве коллегийын заседанийыштыже участвоватлен
Марий Элым вуйлатыше Юрий Зайцев Эл эл кӧргӧ паша министерстве коллегийын заседанийыштыже участвоватлен. Тушто эртыше ийысе оперативно-службо пашам иктешлыме да тенийлан задаче- влакым шындыме. Юрий Зайцев палемден: тӱрлӧ провокаций ден экстремист койышым ынышт ончыкто манын утларак тыршыман. Вооруженный вийын лӱмжым волтышо, Россий Президент да кучем лӱмеш мыскылыше ойым колтышо- влак шотышто пеш вашке реагироватлыме мерым ыштыман. Ӧрдыж гыч лӱдыкшӧ улмо жапыште ласка оперативный обастановкым ыштымаш- ик эн ончыл задаче каласен тудо. Эл кӧргӧ паша министр полицийын полковникше Андрей Вырвичын мутшо почеш, калык чотым шотыш налын республикыште осал пашам Россий мучко да Юл кундем округ кӱкшытышто налмаште шагалрак ыштыме. Докладым тыгак Тӱҥ федерал инспектор Павел Волков, республикын прокуроржо Сергей Беляков, Кугыжаныш Погыным вуйлатышын икымше алмаштышыже Владимир Мухин, УФСИН-ым вуйлатыше полковник Игорь Третьяков ыштеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
