Юрий Зайцев тыгак Марий Турек районыш миен

              Марий Элым вуйлатышын пашажым шуктышо Юрий Зайцев тыгак Марий Турек  районыш миен. Тушто тудо Ноля эҥер гоч пыштыме кӱварым кузе олмыктымо дене палыме лийын. Тиде кӱвар Кугу Пумарий- Марий Турек- Лоп автомобиль корнышто верланен. Тудын кужытшо 60 метр. Пашан акше 77 миллион наре теҥге. График почеш пашам октябрь мучашлан пытарышаш улыт, но тӱҥ пашам шуктымо. Сандене ондакырак сентябрь тӱналтышланак мучашлаш шонат. Транспорт министр Александр Герасименкон мутшо почеш, 2023-шо 2024-ше ийлаште Марий Турек районышто вич кӱварым олмыкташ палемдыме. Тидымат ешарен: кызыт Марий Эллан корным олмыкташ ешарен 100 миллион теҥгем ойыраш йодыш ончалтеш. Молан манаш гын, республике графикым ончылтен пашам ышта.
             Фото: Марий Элым вуйлатышын организаций да аналитик виктемже.

Прошлые выпуски