«Спорт кеҥеж» фестиваль мучашлалтын

            Кудывечысе спортын «Спорт кеҥеж»  фестивальже мучашлалтын. «Йоча спорт» проект кышкарыште футбол да баскетбол дене «кудыт да кудыт» кудывечысе йоча футболын Россий кӱкгытан фестивальжын регионысо йыжыҥже 10-шо июньышто тӱҥалын. Кодшо рушарнян баскетбол дене таҥасыме йыжыҥын лектышыже почеш рвезе да ӱдыр- влак коклаште эн сай команде- влакым рашемдыме. Рвезе- влак коклаште икымше верым Йошкар-Оласе 26-шо гимназийын командыже налын. Волжск олан тыгаяк лӱман да Советский посёлкын «Пантеры» командышт кокымшо да кумшо лийыныт. А ӱдыр- влак коклаште оласе 28-ше лицейын «Медведи» командыже ончыл верыш лектын. Козьмодемьянскысе «Фаеры» ден оласе 26-шо гимназийын «Дабл дабл» командышт кокымшо ден кумшо верым налыныт. Ынде регионысо йыжыҥыште сеҥыше- влак Российысе йыжыҥыш таҥасаш каят. Футболист- влак Озаҥ олаш, баскетболист- влак- Пермьыш.
              Фото: «Единый Россий».

Прошлые выпуски