Марий Элым вуйлатышын пашажым шуктышо Параньга районышто школым капитально олмыктымо пашам жапыштыже мучашлаш кӱштен

             Марий Элым вуйлатышын пашажым шуктышо Параньга районышто школым капитально олмыктымо пашам жапыштыже мучашлаш кӱштен. Тыгай задачым тудо Мераҥсола школыш мийымыже годым шынден. Школым «Туныктымо школ системым уэмдымаш» программе кышкарыште капитально олмыктат. Таче кечылан школышто шӱдӧ утла окнам вашталтыме, леведышым, фасадым, пурымо тошкалтышым да южтарыме системым олмыктымо. Кызыт ырыктыме да канализаций системым, пӧлем- влакым олымктат. Юрий Зайцев ачалыме пашам ончен да ача-ава комитетын еҥже- влак дене мутланен. Нуно олмыктымылан куаныштым каласеныт, у гаяк школым ыштеныт, 50 ияш лӱмгечылан чапле пӧлек лийын, маныныт нуно. Тыгак  школ воктелсе кумдыкымат тӱзландараш йодыныт. Юрий Зайцев полшаш сӧрен да икымше сентябрьлан олмыктымо пашам мучашлаш кӱштен.
             Фото: Марий Элым вуйлатышын организаций да аналитик виктемже.

Прошлые выпуски