Марий Элын 100 ияш лӱмгечыже вашеш шарнымашан медальым лукмо
Марий Элын 100 ияш лӱмгечыже вашеш шарнымашан медальым пеҥгыдемдыме. Тидын шотышто документым Марий Элым вуйлатыше Александр Евстифеев луктын. Тиде медаль дене калыкын пагалымашыжым сулен налше, республикым вияҥдымашке кугу надарым пыштыше, калык- влакын тӱвыраштым ваш пойдараш полшышо, калык кокласе кылым пеҥгыдемдымаште, тӱнямбал кыл да экономикым вияҥдымаште тыршыше- влак палемдалтыт. Медаль дене палемдаш йодмашым республикым вуйлатыше пеленысе комиссий 31-ше октярь марте налеш.
