Йошкар-Ола гыч архитектор- влак Россий кӱкшытан конкурсышто сеҥышыш лектыныт
Йошкар-Ола гыч архитектор- влак Россий кӱкшытан конкурсышто сеҥышыш лектыныт. Кодшо ийын декабрьыште Сеҥымаш Паркым архитектура могырым уэмдашлан Российысе конкурсым увертарыме ыле. Оргкомитетыш Российысе 21 кундем гыч 28 йодмаш пурен. Тушечын 15-шым финалыш ойырен налме. Вара проект- влак мер экспертизым эртеныт. Сеҥымаш паркым архитектур велым уэмдыме Российысе конкурсышто сеҥышылан «Маригражданпроектын» архитектор- влак тӱшкажым вуйлатыше Ирина Желонкинам шотлымо. Проектыште нунын чыла кумдыкым радамын да чаткан шонен ыштымышт кумылым савырен. Тӱҥ приз семын конкурсын авторжо Дмитрий Гуменюкын ойырымо 100 тӱжем теҥге лийын.
