Серым эрыкташ субботникыш ӱжыт
Регион- влак кокласе экологий инициативе фонд чыла кумылан- влакым шуматкечын, 22-шо августышто «Новотроицк» сад воктелсе вӱд серым шӱк-куштыра деч эрыктыме субботникыш ӱжеш. Кумылан- влак 10 шагатлан шыл комбинат деч тораште огыл Кокшайск трактыште автобус чарныме верыште погынат да тушечак палемдыме верыш каят. Чылалан игече дене келшышын паша вурегмым чияш темлат. Нунын температурыштым висат, маскым, пашалан перчаткым, солыкым пуат. Шӱкшакым погымаш таҥасымаш семын эрта. Кӧ шукырак мешакым тема, тудо сеҥыше лиеш да шере пӧлек дене палемдалтеш. Тиддче посна тутло пучымыш да шере емыж йӱыш дене сийлат.
