Марий Элын сборныйжо «Абилимпиксыште» икмыняр медальым налын

Марий Элын сборныйжо «Абилимпиксыште» икмыняр медальым налын
               Марий Элын сборныйжо «Абилимпиксыште» икмыняр медальым налын. Марий Элын командыже инвалид да начар тазалыкан- влак коклаште калыкле чемпионатыште сай лектышым ончыктен. Таҥасымашын икымше кечынже «Школьник» категорийыште «Банк паша» компетенций дене начар колшо- влаклан Семёновкысо школышто тунемше Александра Дыдычкина кумшо верыш лектын. Таҥасымашын кокымшо кечыжат сборныйын чондайжым медаль дене пойдарен. «Йолчиемым ачалымаш» компетенцийыште икымше верым строительно-промышленный техникумын студентше Михаил Ковалец налын. Тыгак «Крючок дене пидмаш» номинацийыште «Специалист- влак» коклаште Сокыр- влак ушемын Марий Элысе пӧлкажын еҥже Елена Аппакова шӧртньӧ медаль дене палемдалтын. Кокымшо верым «Йолчиемым олмыктымаш» компетенций дене «Специалист- влак» коклаште обществын верысе пӧлкажын еҥже Игорь Протасов налын. кумшо верым «Специалист- влак» коклаште «Визаж» компетенций дене Инвалид- влак ушемын верысе пӧлкажын еҥже, технологий колледжын туныктышыжо Наталья Перминова- Смоленцова налын.
          Фото: Туныктыш министерстве.

Прошлые выпуски