СВО-н участникше- влакын икшывыштлан икымше сентябрьлан канцеляр сатум пыштыман рюкзак- влакым пӧлекленыт
СВО-н участникше- влакын икшывыштлан икымше сентябрьлан канцеляр сатум пыштыман рюкзак- влакым пӧлекленыт. Кодшо кугарнян Марий Элым вуйлатышын кӱштымыжӧ почеш Республикысе курчак театрыште ончыкылык первоклассник- влаклан мероприятийым эртарыме. «Шӧртньӧ сравоч» спектакльым ончаш чыла муниципал районла гыч 156 йоча толын. Нуным Марий Элым вуйлатыше Юрий Зайцев саламлен. Тендам тӱрлӧ событиян оҥай илыш вуча. Те чын возаш, лудаш, шотлаш тунемыда, шуко уым пален налыда, тӱҥжӧ у йолташда- влак лийыт. Вашке те школ лондемым вончен пуреда да у илыш тӱҥалеш. Корныда поро лийже.- каласен Юрий Зайцев да мучашлан канцеляр сатуан рюкзакым кучыктен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
