Марий Эл гыч еш Россий кӱкшытан «Еш зарница» модмашын заочный йыжыҥышыкже лектын

Марий Эл гыч еш Россий кӱкшытан «Еш зарница» модмашын заочный йыжыҥышыкже лектын
              Марий Эл гыч еш Россий кӱкшытан «Еш зарница» модмашын заочный йыжыҥышыкже лектын. Куженер район гыч Ельмекеевмыт еш таҥасымашын ойырен налме йыжыҥыштыже сеҥен да республикысе моло 10 ешым ончылтен каен. Заочный йыжыҥ 22-шо июльышто тӱналын. Тушто российын тӱрлӧ кундемлаже гыч 79 еш участвоватла.
              Проектын цельже- шочмо элым йӧратымаш да шӱм-чон яндарлык шӱлышеш шуарымаш, еш поянлыкым пеҥгыдемдымаш. Проектым икымше- влакын толкыныт, «Ачамландым аралыше- влак» кугыжаныш фонд, «Юнармий» толкын да «Воин» рӱдер ямдыленыт. Ойырен налме йыжыҥлаште уло россий гыч 420 еш таҥасен. Нуно Российын историйжым палымыштым, автоматым рончен-поген моштымыштым ончыктеныт, чарак полоса гоч эртеныт, БПЛА-м виктарен моштымыштым да молымат ончыктеныт.
              Заочный йыжыҥже онлайн модмаш платформышто лиеш. Еш- влак кок таҥасымаште участвоватлат: усталык- видеовизиткым ямдылат да интеллектуал- Россий кугыжанышын негызшым да Российын сарзе историйжым палымылан тестированийым эртат. Финалыш 24 еш команде лектеш- кажне федерал округ гыч ик команде. Заочный йыжыҥыште Марий Элын чапшым Куженер район гыч Ельмекеевмыт еш арала. Тиде йыжыҥ 10-шо август марте шуйна. Вара модмашын финалышкыже лекше отряд- влакым ямдылымаш тӱҥалеш. Нуным «Ачамландым аралыше- влак» фондын ойырен налме СВО-н ветеранже ден участникше- влак туныктат.
            Фото: Ельмекеевмытын еш архивышт.

Прошлые выпуски