Республикыштына коммунал озанлыкым шыже-теле жаплан ямдылыме йодышым каҥашеныт
Республикыштына коммунал озанлыкым шыже-теле жаплан ямдылыме йодышым каҥашеныт. Совещаний правительстве Пӧртыштӧ лийын. Марий Элым вуйлатыше палемден: пашан качествыже дене шӱдӧ тужем дене еҥын пачерыштыже шокшо ден ласкалык кылдалт шогат. Таче кечылан 920 шуко пачеран пӧртым, 59 олтымо котельныйым, 312 меҥге кужыт теплосетьым, 390 меҥге вӱд пуч ден канализаций сетьым ямдылыме. Паша график почеш кая, но ончылно шуко задаче шога. Телым чыла пӧртыштат шокшо лийже манын, чыла йыжыныштыжат пашам тергена,- тергена каласен Юрий Зайцев. Пӱтынь системе чаткан пашам ыштыже манын 9 тӱжем тонн утла мланде шӱйым шапашлыме (планже- 18 тӱжемат 500 кубометр) да тӱжемат 800 кубометр олтышаш пуым ямдылыме (планже- 8 тӱжем кубометр). Шокшым ситарыше 11 объектыште капитально олмыктымо паша шукталтеш, тиде кечылан Куженер ден Морко районлаште кок котельныйым газыш кусарыме, Куженер районышто ик блочно-модульный котельныйым чоҥымо, Морко районышто теплосетьым олмыктымо. Чыла пашалан 15 миллионат 500 тӱжем теҥгем кучылтмо. Паша план дене палемдыме жап почеш шукталтеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
