Марий Элыште 234 земский врач гыч 33 специалистше гына ялыште пашам ышташ кодын

Марий Элыште 234 земский врач гыч 33 специалистше гына ялыште пашам ышташ кодын
           Марий Элыште 234 земский врач гыч 33 специалистше гына ялыште пашам ышташ кодын. Куд ий жапыште Марий Эл тазалыкаралтышышке калыкле проект кышкарыште 11 миллиард утла теҥгем пыштен. Республикысе тазалыкаралтыш министр Владимир Гладневын ТАСС-лан увертарымыже семын, первичный звеном модернизироватлыме программе почеш куд у объектым почмо, эше ик объект- Йошкар-Оласе йоча поликлинике- чоҥалтеш, 13 медицине тӧнежым олмыктымо. Тыгай ончыко кайымашым ончыде, республикыште кадр ситыдымаш аралалт кодеш: 334 врач ок сите, поснак анестезиолог, онколог, психиатр- влак.
             2019-ше ий гыч врачым ситарымаш 10 процентлан кушкын, ФАП ден амбулаторийлам- 30 утла процентлан. Регионышто тений 2030-шо ий марте кадрым ситарыме программым пеҥгыдемдыме. Тиддеч посна кодшо ийысе шошо гыч села, райрӱдӧ да изи олалаште тыршыше медик- влаклан соцвыплатым кугемдыме. Министр «Земский доктор» ден «Земский фельдшер» программе нерген ушештарен. Нунын дене келшышын 2012-шо ий гыч 234 врач да кыдалаш звенон 51 специалистше дене ойпидышым кылдыме. Таче кечылан ялыште пашам ышташ 33 врач да кыдалаш звенон 8 специалистше гына кодыныт.
              Ситуацийым лончылышыла Республикым вуйлатыше Юрий Зайцев  кӱлешан специалист- влакым поддержатлыме ешартыш мера нерген решенийым луктын.- илыме верым саемдаш кум миллион теҥге гыч ойыраш. Кодшо ийын тиде оксам ныл варч налын, 2025-ше ийыште- 9 еҥ. Тидын годым медорганизаций- влак специалистан лийыныт. Нуно ойпидыш почеш тушто лу ий пашам ыштат.

Прошлые выпуски